Буалылар, сездән фотолар көтәләр

Гаилә архивыннан республикабызның, районыбызның төрле почмакларында төшкән, иң матур урыннар сурәтләнгән фотоларны туган якны өйрәнү музеена китерергә кирәк. Фотоларның үлчәме 15-20 сантиметрдан ким булмаска тиеш. Фото астына нинди урын, кемнәр төшкән булуын язарга да онытмагыз. Алар 30 августта, шәһәр көнен бәйрәм иткән көндә "Чәчәк ат, Татарстаным" дигән күргәзмәдә урын алачак. Теләгән кешегә фотолар кире кайтарылачак. Ашыгыгыз, фотосурәтләр музейда 29 августка 12 сәгатькә кадәр генә кабул ителә.