Буалылар, урманнарны янгыннан саклагыз!

Нәкъ шушы максатта 15 апрельдән республика, шул исәптән район территориясендәге барлык урманнарда янгынга каршы көрәш сезоны башлана. Ул халыкның, оешмаларның янгын куркынычсызлыгы таләпләрен үтәвен контрольләүне дә үз эченә ала. Буа урман хуҗалыгы инженеры Михаил Егоров белдерүенчә, Россия Федерациясенең административ хокук бозулар турындагы кодексының 8.32 маддәсенә туры китереп, янгынга каршы аерым режим шартларында янгын куркынычсызлыгы кагыйдәләрен бозган өчен гражданнарга 4тән 5 мең сумга кадәр, вазифаи затларга 20дән 40 мең сумга кадәр, юридик затларга 300дән 500 мең сумга кадәр штраф салыначак. Урманнарны янгыннан саклагыз, ут белән сак булыгыз!