Буалыларга февральдә электр энергиясе өчен квитанцияләр соңга калып киләчәк. Ни өчен?

Февраль аеннан "Энергосбыт" абонентларына квитанцияләрне хат ташучылар китермәячәк. "Татэнергосбыт" ААҖдән алынган мәгълүматларга караганда, квитанцияләрне тарату хезмәтен Санкт-Петербург шәһәре фирмасы башкарачак. Буа районы буенча квитанцияләрне тарату әлеге фирмага йөкләнә. "Энергосбыт"ның Буадагы бүлекчәсе тапшырган барлык квитанцияләрне абонентларга курьерлар китерә. Бу атна ахырында, киләсе атна башында барысы да адресатларга таратылырга тиеш. "Татэнергосбыт" ААҖ вәкиле түләүләрне почта бүлекчәләрендә башкарып булачагына ышандыра. Квитанцияләрне шулай ук Буа шәһәре К. Зыятдинов урамы 4-1 йорт адресы буенча "Энергосбыт"ның Буадагы бүлекчәсеннән килеп алырга да була.