Буалылар — чемпион! Стадион хуҗалары Татарстан беренчелегендә алтын медаль яулады

Биредә 2015–2016 елларда туган яшүсмерләр арасында Татарстан Республикасы Беренчелегенә футбол буенча финал ярышлары узды.

Иң көчлеләр исеме өчен зональ этапта үзләренең өстенлеген раслаган алты иң яхшы команда көрәште: Буа, Нурлат, Актаныш, Сарман, Арск һәм Биектау (Байлар Сабасы) коллективлары. Стадионда атмосфера киеренке иде — тамашачылар ике дәвамында якты футбол, киеренке көрәш һәм чын гол мизгелләрен күзәттеләр.

Ике көнлек көрәш нәтиҗәләре буенча пьедесталда урыннар түбәндәгечә бүленде:

• 3 нче урын — «Иман» командасы (Актаныш авылы);
• 2 нче урын — «Факел» командасы (Нурлат шәһәре);
• 1 нче урын — «Батыр» командасы (Буа шәһәре)

Турнир хуҗалары искиткеч уен, ихтыяр көче күрсәтеп, барлык көндәшләрен гадел көрәштә җиңделәр.

Бу тарихи уңышка команданың остазлары — тренерлар Радик Садыйков һәм Айрат Шәрәфетдинов зур өлеш кертте. Тактик әзерлекнең грамоталы булуы, тырыш күнегүләр, катгый дисциплина һәм тәрбияләнүчеләренә ышану яшь футболчыларга алтын медальләргә юлны ышанычлы үтәргә мөмкинлек бирде.

Осталыкны индивидуаль тану буларак, турнирның иң яхшы уенчысына бүләк тапшырылды. Иң яхшы уенчы  исеменә Буа командасы һөҗүмчесе Раян Кәлимуллин лаек булды.

Бу җиңү — спортчыларның үзләре өчен генә түгел, аларның әти-әниләре, тренерлары һәм бөтен Буа районы өчен зур горурлык! Чын күңелдән «Батыр» командасын, тренерлар штабын һәм җанатарларны лаеклы чемпионлык белән котлыйбыз!

Быел башыннан Буа районы юлларында 6 кеше һәлак булды

Буада юл йөрү кагыйдәләрен саклау буенча киңәшмә узды.

Аны район башкарма комитеты җитәкчесе Ленар Шакирҗано алып барды. Төп доклад белән район ГАИ бүлекчәсе начальнигы Алмас Кәримов чыгыш ясады. Ул райондагы юлларда булган хәлләр турында сөйләде. Быел 9 ай эчендә район юлларында 6 кеше һәлак булган.