Буалылар «Троицкие напевы» фестивалендә катнаштылар

Концерт программасы Татарстан, Чуашия, Ульяновск өлкәсеннән килгән коллективларны җыйды, ә Мәскәүнең «СТОГЛАВ» үзәге артистлары бәйрәмнең махсус кунаклары булдылар. Рухи җырлар һәм халык көйләре яңгырады — музыка кешеләрнең күңелләрен берләштерде.

Катнашучыларны һәм кунакларны Чүпрәле районы башлыгы Марат Гафаров, Преподобный Сергий Радонежский гыйбадәтханәсе настоятеле иерей Павел Пурлов, «Җәмигъ» мәчете имам-хатыйбы Гомәр хәзрәт Рәкыйпов сәламләделәр.

Боерган район мәдәният сарае киң программа тәкъдим итте: Вера Петровна Евдокимова җитәкчелегендәге ветераннар хоры «Я люблю тебя, Россия» җырын башкарды, «Рябинушка» халык ансамбле «То не веточка черешни» һәм «На два голоса» кебек җанлы җырларны бүләк итте. Шулай ук солистлар — мәдәният сарае хезмәткәре Наталия Арисова («Ромашковое поле») һәм Алевтина Шигапова («Помните») чыгыш ясадылар, ә Наталия Арисова җитәкчелегендәге «Гармония» триосы тамашачылар хөкеменә «Деревенька моя» һәм «Воля вольная» җырларын тәкъдим итте. Һәр катнашучы истәлекле медаль белән бүләкләнде, ә солистлар һәм коллективлар Лауреат дипломнарына лаек булдылар.

Иман, изгелек һәм җылылык белән тулы бу якты бәйрәм тагын бер кат күрсәтте: без төрле, ләкин без бердәм!