Буаның үзәк чыршысы иң яхшы бизәлгәннәр арасында ничәнче урында?

Буа республика муниципаль берәмлекләре арасында иң яхшы Яңа ел чарасына һәм бәйрәмчә бизәлеш бәйгесенең "Административ үзәкләре республика билгеләнүендәге шәһәрләр булган муниципаль районнарда үзәк Яңа ел чыршысын иң яхшы бизәү" номинациясендә катнашты. Эшче төркем бизәлешне башта урынга чыгып карады, аннан конкурска җибәрелгән документлар белән танышты. Өченче этапта интернет тавыш бирү булды. Конкурс комиссиясе әгъзаларының тавыш бирүе нәтиҗәсендә Буа районы, Азнакайдан һәм Нурлаттан гына калышып, өченче урынга лаек булган. Котлыйбыз!