Этне җәберләгән тәтешлегә карата җинаять эше кузгатылды

ТР Тикшерү идарәсе алдан фаразлавынча, 25 май көнне 42 яшьлек тәтешле шәһәрнең Көньяк урамындагы йорт подъезды янында үз янына этне чакырып ала һәм муенын җеп белән буып, маэмайны өскә күтәрә. Моннан соң ул металл торба белән ун тапкыр аның башына суга. Аннары этне чүп савытына тондыра. Корбанының исән икәнен күреп, ир-ат аның башына тагын берничә тапкыр суга һәм китеп бара. Нәтиҗәдә этнең күз алмасы имгәнә, аны ампутацияләргә туры килә.
Хәзерге вакытта Буа тикшерү бүлегендә тикшерү эшләре алып барыла.