Февральдән күпме буалының пенсиясе арта?

Агымдагы айдан эшлмәүче пенсионерларның страховкалау пенсиясе 5,4 процентка үстерелә. 1 февральдән башлап күп социаль пособиеләр дә 5,4 процентка индексацияләнә. Шул исәптән бердәм айлык түләүләр, бала туганнан соң һәм баланы карау буенча бирелүче айлык пособиеләр дә. Пенсия фондының Буа шәһәре һәм районы буенча районара идарәсеннән алынган мәгълүмат буенча арттыру Буа районында яшәүче 11700 эшләмәүче пенсионерга кагыла. Февраль артымын түләүгә район буенча 6,5 милллион сум тирәсе акча средстволары тотылачак.

Тагын бер әйбәт яңалык. Быел страховкалау пенсияләрен индексацияләү елга ике тапкыр булачак. Киләсесе апрельдә көтелә. Бу хакта Россия Хөкүмәте вице-премьеры Ольга Голодец хәбәр итте.