Популяр җырчы концертына җыелган меңләгән тамашачы каршында тезләнеп, "кызына" тәкъдим ясады һәм йөзек кидертте. Дөрес, махсус чәчәк бәйләме дә әзерләнгән булган. Тик Фирдүс аны Буадан килгән бер ханымга бирергә мәҗбүр булды. "Бүген безнең бик якын кешебезнең туган көне. Ул залда утыра. Аны котлап, чәчәк бүләк ит әле", дигән хатка җавап бирми түзә алмады ул. "Хәзер бүләк итмәсәм, Буа мишәрләре мине оятка калдыра", дип, хатыны өчен сайлаган бәйләмне елтыр күлмәкле апага бирде.
Фирдүс белән Резедәнең яшь аермасы 8 ел. Уллары Раянга июнь аенда өч яшь тула. Тямаевлар купшы туй ясауны кирәксез дип тапты. Аның каравы, никах мәҗлесенә йөзләгән кунак чакырулы иде.
Нет комментариев