Хәбәрсез югалган буалы Марсель Зарипов хәзер кайда?

26 гыйнварда буалы Марсель Зариповның зур суммада акча белән Марий-Эл республикасының Йошкар-Ола шәһәрендә хәбәрсез югалуы турында язган идек. Бүген аның якыннары Марсельның исән булуы һәм эзләүдә ярдәм иткәннәре өчен массакүләм мәгълүмат чараларына рәхмәт язды. Буа районара тикшерү бүлегеннән алынган мәгълүматларга караганда, Марсель Зариповның исән булуы бүген иртән ачыкланган. Ул хәзер Буа шәһәренә кайткан. Үзен яхшы хис итә. Аның ничек табылуы, кайда булуы турында тикшерү органнары әлегә хәбәр итмиләр. Тишкерү бара, дип белдерәләр.