Иртәгә Буада Донор көне уздырыла. Каны белән бүлешергә теләүчеләрне ЦРБның 2 номерлы поликлиникасында көтәләр

Пункт 8 сәгать 30 минутта эшли башлый.  Кан бирергә теләүчеләр ике көн алдан менюдан майлы, ачы, тозлы, кыздырган ризыкларны, сөт продуктларын, йомырканы алырга, дарулар һәм алкоголь кабул итмәскә тиешләр. Иртәгә кан бирәсе кичтә җиңелчә кичке аш, иртән печенье, сушки белән татлы чәй яисә суда пешкән майсыз ботка ашарга кирәк.

Унсигез яше тулган, авырлыгы 55 килограммнан ким булмаган, күз күреме +6 дан һәм -6дан зур булмаган кешеләр донор була ала.

Үзегез белән паспорт һәм СНИЛС алып килергә кирәк. Кан бирүгә теркәү 12 сәгатькә кадәр башкарыла, беренче тапкыр бирүчеләрнең 10 сәгатькәчә килүләре сорала.

Кан бирү түләүсез. Донорга туклануга 1003 сум һәм ике көн ял алуга белешмә каралагн.