Кичә Зур Кырлаңгы авылы янындагы ясалма буада 1971 елгы тәтешле ир-ат суга батты

Бу хәл төштән соң булды. Күлгә балык тотарга, ял итәргә килгән өч ир-атның берсе су коенып чыгарга уйлый. Йөзә-йөзә еракка керә,бертуганының, дустының чакыруларына илтифат итми каршы ярга таба китә. Алары тиз генә автомобильне кабызып, күлнең икенче ягына баралар, әмма каршылыйсы кеше ярга чыгып җитә алмый. Чакыру булуга бәла булган урынга барып җиткән 1 номерлы зона эзләү-коткару отряды коткаручылары әлегә батучыны таба алмадылар. Кырлаңгы авылы өлкәннәре әйтүенчә, тәтешле баткан урында күлнең иң тирән җире - ул 5 метрга кадәр җитәргә мөмкин.