Куркыныч пешкән буалы Казанда дәвалануны дәвам итә

23 июльдә шәһәрнең Космовский урамында урнашкан йорты ишегалдында каты пешкән ир-ат Казан пешүләрне дәвалау үзәгендә ята. Ул көнне ул тимер мичтәге утынга ут элдерергә теләп тиз янучан ягулык куллана. Дөрләп киткән ялкын аның киемнәренә, чәчләренә, тәненә үрли. Бүгенге көнгә ул дүрт операция кичерде, туганнары, якыннары аның өчен кан бирә. Үзәк табиблары аның пешү дәрәҗәсен 84 процент дип бәяләделәр. Бу бик куркыныч. Безнең якташыбызның хәлен тәненең өске өлеше күбрәк пешүе, эчке органнарга азрак зыян килү коткарган.