Кыяттагы янгынның яңа фактлары билгеле. Үлүче дә бар (+ фото)

Кичә 10 сәгать 07 минутта чыккан янгында 1945 елгы икенче төркем инвалид ир-атның гомере өзелә. Янгын сүндерүчеләр килеп җиткәндә тәрәзәләрдән куе төтен чыга торган була, йорт эчендә ялкын телләре дөрли. Күршеләр анда кеше калган булу мөмкинлеген әйтәләр. 10 сәгать 33 минутта ир-атның мәетен йорт эчендә бусага янында табып алалар. Буа һәм Чүпрәле районнары буенча күзәтчелек эшчәнлеге бүлеге белгечләре сүзләренә караганда, янгын тәмәкене саксыз тарту аркасында чыккан дип фаразлана.