Ләйсән Сәмәрханова “Нечкәбил” ярымфиналында призер булды (+ фото)

Республиканың 30 районыннан 47 конкурсант катнашкан, "Казан-Арена"да узган ярымфиналда Сәмәрхановлар гаиләсе "Көнчыгыш чәйханәсендә фарфор туй көне"н театральләштерде һәм "Һөнәри бәйрәм" номинациясендә өченче урын алды. Аларга район мәдәният йортының Инна Минханова җитәкчелегендәге "Гольфстрим" биючеләре дә ярдәм иттеләр. Ә гаилә өчен "авырырга" район үзәк дәваханә хезмәткәрләре ике автобуска төялеп килделәр. Дистәләгән кешедән торган мәртәбәле жюри Сәмәрхановларның искиткеч чыгышларын, мул табынлы, зәвык белән бизәлгән өстәлләрен генә югары бәяләп калмады, ә гаилә башлыгы Рөстәмне "Ата капиталы" номинациясе җиңүчесе итеп тә таныды. "Нечкәбил"нең ноябрь аенда Әниләр көнендә узачак финалына чыгучылар сентябрь ахырында билгеле булачак. Ләйсәннең анда катнашуын көтеп калабыз