Байрак
  • Рус Тат
  • Мөселман хатын-кызларын 8 Март белән котларга ярыймы? (сорау–җавап)

    "Гаилә дусларыбыз намазга басты. Дустымның хатынын 8 Март бәйрәме белән котларга ярыймы икән? Гомумән, дөньяви бәйрәмнәргә диндә нинди мөнәсәбәт?" - дигән сорауга дин әһелләре ничек җавап бирә. Радик исемле егет язган сорауга Татарстан Диния нәзарәтенең дәгъвәт бүлеге җитәкчесе, Казанның Апанай мәчете имам-хатыйбы Нияз хәзрәт САБИРОВ җавап бирә. - Әссәләәмү галәйкүм...

    "Гаилә дусларыбыз намазга басты. Дустымның хатынын 8 Март бәйрәме белән котларга ярыймы икән? Гомумән, дөньяви бәйрәмнәргә диндә нинди мөнәсәбәт?" - дигән сорауга дин әһелләре ничек җавап бирә.


    Радик исемле егет язган сорауга Татарстан Диния нәзарәтенең дәгъвәт бүлеге җитәкчесе, Казанның Апанай мәчете имам-хатыйбы Нияз хәзрәт САБИРОВ җавап бирә.





    - Әссәләәмү галәйкүм үә рахмәтүллаһи үә бәракәәтүһ! Ислам дине хатын-кызларга карата һәрвакыт зур хөрмәт күрсәтергә, мәрхәмәтле булырга чакыра, чөнки алар нəселне дəвам итүчелəр, киләчәгебезне хәл итүчеләр. Бу хөрмәт сүзләребездә генә түгел, гамәлләребездә, мөнәсәбәтебездә чагылырга тиеш. Әгәр без хатын-кызларыбызга карата күркәм мөгамәләдә булсак, тормышыбызда һәрвакыт бәйрәм булачак. Сөекле Пәйгамбәребез (салләллаһу галәйһи вә сәлләм) болай дип әйткән: "Сезнең иң хәерлегез хатыннарына карата иң яхшы мөнәсәбәттә булганыгыз" (Тирмизи).

    Без 8 март көнне генә түгел, гомер буе хатын-кызларыбызны сөендерергә, аларга игътибарлы булырга тиеш. Пәйгамбәребез (салләллаһу галәйһи вә сәлләм) беркайчан үз хатыннарына кул күтәрмәде, аларга мәрхәмәтле булды. Безгә аннан үрнәк алып яшәргә тырышырга кирәк.

    8 Март - бөтен илебез бәйрәм итә торган дәүләт бәйрәме. Дәүләт бәйрәмнәре белән тәбрикләргә мөмкин. Әлбәттә, мөселманга хәмер эчемлекләр, хәрам ризыклар булган мәҗлесләрдә катнашу катгый тыела.

    nebudlohom.ruМ

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: