Республика сулыкларында көн саен диярлек өч кеше батып үлә

Җәйге челлә көтмәгәндә килеп чыккан көчле давыллары белән генә түгел, су корбаннары белән дә куркыныч. Ел башыннан бирле республика сулык­ларында 62 кешенең гомере өзелгән. Шуларның 4се - балалар.

Яшел Үзән, Нурлат, Чистай, Түбән Кама районнары белән Чаллыда су керү сезоны башланганнан бирле - 5әр, Лаеш һәм Әлмәттә - 3әр, Сарман районында 2 кешенең гомере өзелгән. Хәтта соңгы елларда бу яктан тыныч яшәгән Әтнә районында да бер су корбаны теркәлгән. Бәхеткә каршы, әлеге статистикада буалылар юк.