Рөстәм Миңнеханов “В контакте” социаль челтәрендә теркәлде!

Татарстан лидеры "ВКонтакте" челтәренең маркетинг буенча директоры Ярослав Андреев һәм махсус проектлар буенча менеджеры Константин Сидорков белән очрашты. Шунда үз битен теркәргә булган да инде ул.

-"В контакте" егетләре белән очрашкач, мин дә үземнең аккаунтымны булдырдым, чөнки хәзерге көндә социаль челтәрләр татарстанлылар белән актуаль мәсъәләләр буенча мәгълүматлар белән бүлешергә зур мөмкинлекләр бирә. Минем эш графигымны тыгыз икәнен аңлагыз, вакытым җитми, шулай да мөмкинлек чыкканда республика өчен мөһим темалар турында хәбәрләр калдырырмын" - дип язган ул үз битендә (https://vk.com/rnm).

Мәгълүмат tatpressa.ru сайтыннан алынды.