Байрак
  • Рус Тат
  • Шомыршыда концертка барганда ике хатын-кыз һәлак булган. Вакыйганың безнең районга катнашы бармы?

    16 апрельдә “Цивильск-Ульяновск” трассасында, Чуашстан Республикасының Шомыршы районында коточкыч фаҗига була.

    Рәсми мәгълүматларга караганда, Чабаксар шәһәрендә яшәүче 27 яшьлек хатын-кыз, “Лада-Калина” автомобилендә идарәне югалтып, каршы як хәрәкәт полосасына чыга һәм каршыга килүче автомобильләр төягән фурага килеп бәрелә. Үзе дә, янәшәсендәге 23 яшьлек пассажиры да шунда ук һәлак булалар. Һәлак булучылар турында Буаныкылар булган икән, дигән имеш-мимешләр таралды. Рәсми мәгълүматка караганда, хатын-кызлар икесе дә Чуашстанның Батыр районыннан, Шыгырдан авылыннан.

    Мәрхүмәләрнең икесенең дә ике баласы калган. Социаль челтәрләрдә якыннары язуынча, дуслар татар җырчысы концертына бара торган булганнар.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: