Социалистик Хезмәт Герое Александра Николаева вафат. Бүген аны җирләделәр

Александра Ивановна Николаева 1924 елда Буа районының Адав-Толымбай авылында туган. 1939-1990 елларда Комитерн исемендәге колхозда эшләп пенсиягә чыга. Ул звено башлыгы, кырчылык бригадасы бригадиры, ферма мөдире вазифаларын башкара. 1948 елда аңа Социалистик Хезмәт Герое исеме, Ленин ордены бирелә, 1949 елда ВЛКСМ, 1961 КПСС съездлары делегаты була. Ә 1950 елда "Хезмәттәге батырлыгы өчен" медаленә лаек була.
Александра Николаева гомеренең соңгы көннәренә кадәр Адав-Толымбай авылында яшәде, татарча да матур итеп сөйләшә, догалар укый иде. Аны авылда, яратып, Сания апа, дип йөрттеләр.