Түбән Наратбашта йорттан кисәү башлары гына калды (+ фото)

Кирпеч белән тышланган, электрлаштырылган, газлаштырымаган 6х6 үлчәмле бүрәнә йорт януы турында Буаның 111 номерлы янгын частена кичке сәгать 7дә хәбәр итәләр. Алар анда 11 минутта барып җитәләр. Бу вакытта йорт ачык ут белән яна, түбәдән төтен чыга торган була. Күршедәге корылмаларга куркыныч янамый. Аларны каршы алган күршеләре йорт эчендә кеше һәм газ баллоннары булмавын әйтә. Буа һәм Чүпрәле районнары буенча күзәтчелек эшчәнлеге бүлеге начальнигы Александр Филин сүзләренә караганда, янгын электр җиһазларын эксплуатацияләү һәм ураштыру кагыйдәләрен бозу аркасында чыккан дип фаразлана.