“ВКонтакте” да пычрак сүзләр язган буалы яшүсмер чүт җаваплылыкка тартылмады

 

Баласының "ВКонтакте" социаль челтәрендәге битеннән аның адресына түбәнсетеп язылган сүзләрне укып, әнисе полициягә гариза яза. Пычрак сүзләрнең авторы баласының иптәше була. Соңгысы үз гаебен танып, гафу үтенгәннән соң гына әни кеше гаризаны кире алырга карар кыла. Буа эчке эшләр бүлегенең балигъ булмаганнар белән эшләү бүлеге инспекторы Нурзәл Галимова белдерүенчә, яшьләр арасында интернет челтәрендәге төрле төркемнәрдә бер-берсенә карата пычрак сүзләр язу, кимсетү фактлары күбәйгән. Бу РФ Җинаять Кодексының 128 маддәсенең 2 бүлеге буенча җаваплылыкка тарту белән яный.