Яңа Тинчәледә сарай түбәсе янды (+фото)

Бу хәл кичә булды. 111 номерлы янгын частена 5х20 метр үлчәмле бер катлы кирпеч сарайга ут элүе турында хәбәр 16 сәгать 4 минутта килеп ирешә. Янгын сүндерүчеләр бәла булган урынга барып җиткәндә сарайның түбәсе ялкынланып яна торган була. Аны тиз арада сүндерәләр һәм таралуына юл куймыйлар. Янгын нәтиҗәсендә 75 квадрат метр мәйданда түбәгә зыян килә. Матди зыян 300 мең сум белән исәпләнә. Янгын электр җиһазларын техник эксплуатацияләү кагыйдәләрен бозу аркасында чыккан дип фаразлана.