Югалган малайны Казмада, Зөя буенда водолазлар эзли (ФОТО-ВИДЕОрепортаж)

1 номерлы зона эзләү-коткару отрядыннан алган мәгълүматы буенча 15 мартта өйдән чыгып китеп югалган яшүсмер Илназ Шибаевны берничә көн инде Казма авылы янында, Зөя елгасында водолазлар эзли. "Буа дулкыннары" телерадио компаниясенең төшерү төркеме бу моментларны төшереп, водолазлар белән аралашып кайтты.

-Су астында караңгы, агым тиз, эзләү кыен шартларда алып барыла, - диләр алар.

Кичә милли гвардия хезмәткәрләре килеп территорияне өстән коптер ярдәмендә төшереп йөрделәр. Кызганычка каршы, әлегә эзләүләр нәтиҗә бирмәде.