Югары Лашчы авылында туып үскән Фирдүс Дәүбаш “Ел язучысы-2016” премиясенә дәгъва кыла

Илкүләм конкурска ул рус телендә язылган "Сила добра" новелласын һәм миниатюра жанрына караган "Тяжело ли жить честному человеку?", "Чернь на мерседесе" әсәрләрен җибәргән. Җиңүчеләрне 21 мартта - Бөтендөнья Шигърият көнендә игълан итәчәкләр. Кыскача мәгълүмат: Фирдүс Нурислам улы Фәтхелисламов (Дәүбаш) 1962 елның 14 сентябрендә Югары Лашчы авылында туа. Казан дәүләт университетының механика-математика факультетын тәмамлый. Казан федераль университетында философия фәнен укыта. 2013 елдан бирле Россия стратегик тикшеренүләр институтының Идел буе үзәген җитәкли. Философия фәннәре кандидаты, доцент, язучы. Якташыбызга биңүләр телибез!