Үзәк дәваханәгә автомобиль бирделәр (+фото)

Узган җомгада республика клиник дәваханәсендә Татарстан Сәламәтлек саклау министры Гадел Вафин республикадагы сәламәтлек саклау учреждениеләренә "Лада" маркалы җиңел автомобильләр тапшырды. Берсе Буа дәваханәсенә дә бирелде. Дәваханәнең баш табибы Рөстәм Сәмерханов белдерүенчә, автомобиль дәваханәнең үз акчасына сатып алынган булган. "Лада" су спорт төрләре буенча дөнья чемпионаты вакытында 1 мең километрдан күбрәк юл йөргән. Хәзер ул район дәваханәсендә хезмәт автомобиле буларак кулланылачак. Ә гомумән алганда дәваханә автопаркында 15 дәнәдән күбрәк автомобиль бар.