Буалы чыгарылышларның бүген бердәм дәүләт имтиханын тапшыруга кертелүләре хәл ителәчәк

Район мәктәпләрендә бүген 187 унберенче сыйныф укучылары йомгаклау иншасы язачаклар. Имтиханнар офф-лайн режимда үтәчәк. Әлеге сынау нәтиҗәсе буенча укучының бердәм дәүләт имтиханын тапшыруга кертелү-кертелмәве хәл ителәчәк. Иҗади эшне башкару вакыты 3 сәгать 55 минут тәшкил итәчәк. Сәламәтлекләре чикләнгән укучылар өчен сынау вакыты сәгать ярымга озайтылган.

Рәсми чыганаклардан алынган мәгълүматларга караганда, россиянең һәр регионының үз темалар җыелмасы булачак. Төп юнәлешләре инде билгеле - болар "Акыл һәм хис", "Намус һәм намуссызлык", "Җиңү һәм җиңелү", "Тәҗрибә һәм хаталанулар", "Дуслык һәм дошманлык". Сынауны уза алмаучыларга , яисә башка сәбәп белән имтиханга килмәүчеләргә февраль һәм май айларында кабат тапшыру мөмкинлеге биреләчәк.

фото: kirov-portal.ru