Буалылар, исегезгә төшерәбез: референдум якынлаша

Аңа бер ай вакыт калып бара - үзара салым буенча референдум, инде хәбәр иткәнебезчә, 19 ноябрьдә булачак. Ул быел шәһәрдә дә узачак. Шәһәрдә теркәләгән 18 яше тулган һәр кешедән киләсе ел дәвамында җан башына 500, авылларда 500дән 700 сумга кадәр акча җыю планлаштырыла. Һәр җыелган бер сумга республика бюджетыннан 4 сум биреләчәк. Шәһәрдә моңа тротуарлар салу һәм яктырткычлар урнаштыру күздә тотыла. Авыл җирлекләрендә акчаның нинди максатларга тотылуы җыеннарда, очрашуларда хәл ителә.