“Батыр”да районның иң көчле футбол командаларын ачыкладылар (+ фото)

Традицион уеннар моннан ике көн элек башланып киткән иде. Ул көнне "Батыр" спорт мәктәбендә шөгыльләнүче беренче һәм икенче сыйныф укучыларыннан торган дүрт команда катнашты. Киеренке уеннарда беренче урынга - "Батыр -1", икенчегә - "Батыр -3", өченчегә "Батыр - 2" командалары чыкты. Кичә өченче һәм дүртенче сыйныфта укучылардан торган сигез команда уеннарга килде. Беренче урынга лицей-интенатлылар, икенчегә - 2 номерлы лицей, өченче Ырынгы мәктәбе командалары лаек булдылар. Бүген күптән түгел тәмамланган уеннарга Тәтеш районыннан да килүчеләр бар иде. 5-6 сыйныфлардан 9 команда катнашты. 1 номерлы мәктәп укучыларыкомандасы абсолют җиңүче булды. 2 номерлы лицейның беренче командасы - икенче, икенче командасы өченче урын белән канәгатьләнделәр.