Буа пенсионерлары йөгерә, йөзә, ата (фоторепортаж)

Буаның спортта иң актив пенсионерлары Бөек Җиңүнең 70 еллыгына багышланган "Өченче яшь" республика Спартакиадасында катнашып кайттылар. Инсаф Гыймалетдинов йөгерүдә, Ринат Гыймадиев йөзүдә алдынгылыкны бирмиләр. Николай Селиверстов өстәл теннисын яшьләргә биргесез оста уйный. Искәндәр Сәйфетдинов 70 яшендә дә мылтыктан оста ата. Иң өлкәне - 72не тутырган Иршат Гыймазетдинов бер генә шахмат ярышын калдырмый һәм һәрвакыт җиңүләр яулый. Хатын-кызларыбыз да сыната торганнардан түгел. Анна Спиридонова җитез йөгерә, Татьяня Шингараева балык кебек йөзә, Наталия Павлова төз ата. Алар Спартакиадада да әйбәт чыгыш ясадылар. Алар һәм гомерен балаларга физик тәрбия бирүгә багышлаган Вячеслав Шурбин комбинацияле эстафетада да шактый җитез һәм бердәм команда булуларын расладылар.