Буалы Динар солдатта да сынатмый

2016 елның көзендә хәрби хезмәткә чакырылган укучым Динар Сөнгатуллин Хәрби Диңгез Флотында хезмәт итүчеләр арасында армия кул сугышы буенча узган Россия чемпионатында өченче урын яулады һәм укытучысын бик шатландырды, - дип хәбәр итте безгә каратэ буенча тренер Ринат Хәсәнов. Хәер, егетнең моңа кадәр дә уңышлары күп иде. Ул каратэ буенча 2 дан кара билбау иясе, Татарстан Республикасы, Мари Эл чемпионы, Ульяновск шәһәренең һәм өлкәсенең абсолют чемпионы, таэквонда буенча Идел буе Федераль округының, каратэ буенча Россиянең бронза призеры, каратэ буенча спорт остасына кандидат. Бүген ул Россия Хәрби Көчләре чемпионатына әзерләнә. Уңышлар телибез!