22 февральдә Казан-Ульяновск трассасында ДТПда һәлак булучы турында мәгълүмат билгеле

Район ЮХИДИ бүлекчәсеннән алынган мәгълүматларга караганда, 22 февральдә кич Ульяновск-Казан трассасының 44нче километрында җәяүле 1986 елгы ир-егет автомобиль көпчәге астына эләгеп, алган яраларыннан шунда ук җан биргән. Фаҗига урынында бу көнне трассада кизү торучы ЮХИДИ бүлекчәсенең 9-196 номерлы экипажы эшли. Рәсми мәгълүматларга караганда, һәлак булган җәяүле трассадан үзе генә Казан ягына табан атлый торган булган. Бер-бер артлы агучы автомобильләр юлына ул кинәт килеп чыккан. Йөртүче аны соңрак абайлап алган. Һәлак булучы Тәтеш районыннан. Аның ике баласы калган.

Сүз уңаеннан, бу вакыйга хакында алдагы язмабызга ияртелгән фото әлеге фаҗига урыныннан булмаган. Дөрес фото урнаштырмаган өчен укучыларыбыздан гафу үтенәбез.