Буа автобусы исерек йөртүче аркасында ДТПга эләккән

Чуашстан территориясендә Буаның пассажир автобусы һәм җиңел автомобиль катнашында ДТП булган. Юл һәлакәте «Цивильск-Ульяновск-Яманчурино» автоюлының 7нче километрында була. Аек булмаган 56 яшьлек «Lada Largus» автомобиле йөртүчесе каршы як полосага чыга һәм чак кына «VOLGABUS» автобусы белән бәрелешмичә кала. Автобус йөртүчесе уңга борып алырга өлгерә, әмма транспорт юл кырыена ава.. Нәтиҗәдә, автобусның 3 пассажиры төрле дәрәҗәдәге тән җәрәхәтләре ала.

ДТП ясаучы автомобиль хуҗасы исерек булганлыгы һәм моңа кадәр йөртүче таныклыгын алдырганлыгы билгеле.

Чыганак: http://sntat.ru/proisshestviya/39468-tatarstanskij-avtobus-popal-v-dtp-iz-za-pyanogo-voditelya