Буа районының Күшке авылына борылу юлында ДТП: каза күрүчеләр бар (+фото)

Район ЮХИДИ бүлекчәсеннән алынган мәгълүматларга караганда, 9 июль көнне кичке 7ләр тирәсендә Күшке авылына борылу юлында юл-транспорт һәлакәте була: Ульяновск шәһәренә баручы "Рено Логан" автомобиле йөртүчесе идарәне югалтып, юлдан оча. Автомобиль салонында өч кеше була - 1978 елгы ир-ат йөртүче үзе, ике пассажир хатын-кыз. Алар өчеседә Казан шәһәрендә яшәүчеләр, төрле дәрәҗәдәге тән җәрәхәтләре алып, район үзәк дәваханәсенә озатылалар. Йөртүче идарәне югалту сәбәбен кискен генә күз алды караңгылануы һәм баш әйләнүе белән аңлаткан. Автомобиль тузекләндерелек хәлдә, аның күбрәк алгы өлешенә зыян килгән.