Буада бурычлыларга полиция һәм суд приставлары килә

1-30 октябрьдә суд приставлары һәм юл-патруль хезмәте инспекторларының административ штраф буенча бурычларны түләтү буенча уртак айлыклары үткәрелә. Руль артына исерек килеш утыручыларга, шулай ук медицина тикшеренүе узарга баш тартучыларга зур игътибар бирелә, аларга 30 мең сум штраф салына.

Бүген иртән үк район ЮХИДИ бүлеге инспекторлары - Алесандр Маляшов һәм Алмаз Кәримов, суд приставы Рәмис Садыйков бурычлыларда булдылар. Күп кенә бурычлылар, штрафны тиз арада түләячәкбез, диделәр.

Айлык беткәнче штраф түләмәүчеләрнең мөлкәтләренә арест та салачаклар.