Буаның яшь инспекторлары юл йөрү кагыйдәләрен бозмаска өйрәтте,(фоторепортаж)

Бүген шәһәрнең 5 номерлы мәктәбенең ЮиДчылары бәйрәм оештырды. Алар үзләренең отряды турында сөйләделәр, яшьтәшләрен юл йөрү кагыйдәләрен бозмаска өндәделәр. Чарада район башкарма комитеты җитәкчесе Сәлим Даутов, район ЮХИДИ бүлекчәсе начальнигы Гомәр Әхмәтҗанов, "ТР БДД фәнни һәм белем бирү программаларын финанслау дирекциясе" дәүләт учреждениесенең Буа филиалы начальнигы Анна Сергудаева катнаштылар. Барчасына "Як-ягыңа кара" исемле видеролик күрсәтелде. Ахырдан төрле республика, район конкурсларында катнашып, зур күрсәткечләргә ия булган яшь инспекторларны бүләкләделәр.