Байрак
  • Рус Тат
  • Светофориягә сәяхәт

    "Яшел ут" республика конкурсының район этабы бара. Аның кысаларында барлык балалар бакчаларында юл йөрү кагыйдәләрен өйрәнүгә багышланган чаралар уза. Чираттагысы "Чишмә"дә булды. Төрле юл билгеләре, светофорлар, уенчык автомобильләр, автобуслар куелган, җәяүле юлны аркылы чыгу урыннары ясалган зал кечкенә бер шәһәрчекне хәтерләтте ул көнне. Балалар алдында юл йөрү кагыйдәләре буенча җитди...


    "Яшел ут" республика конкурсының район этабы бара. Аның кысаларында барлык балалар бакчаларында юл йөрү кагыйдәләрен өйрәнүгә багышланган чаралар уза. Чираттагысы "Чишмә"дә булды.
    Төрле юл билгеләре, светофорлар, уенчык автомобильләр, автобуслар куелган, җәяүле юлны аркылы чыгу урыннары ясалган зал кечкенә бер шәһәрчекне хәтерләтте ул көнне. Балалар алдында юл йөрү кагыйдәләре буенча җитди "имтихан" тора. Район мәгариф идарәсенең мәктәпкәчә тәрбия бирү методисты Наталья Кузнецова, "Татарстан Республикасының БДД фәнни һәм белем бирү программаларын финанслау дирекциясе" дәүләт учреждениесенең Буа филиалы начальнигы Анна Сергудаева белемгә бәя бирделәр. Балалар кунакларны җыр белән сәламләделәр. Аннан мультфильм герое Карлсон белән юл йөрү кагыйдәләрен беркем дә бозмый торган илгә - Светофориягә киттеләр. Биредә алар светофор төсләрен өйрәнделәр, җәяүле юлны аркылы чыгу, юл билгеләре турында шигырьләр сөйләделәр, табышмакларга җавап бирделәр.
    Соңыннан "имтихан"ны "бишле"гә тапшырган нәни инспекторларны котладылар. Анна Сергудаева аларның һәрберсенә уткайтаргыч беләзекләр, юл йөрү кагыйдәләре турындагы китаплар, төркемгә уку әсбаплары бүләк итте.
    Әлфинур ЙОСЫПОВА.
    Автор фотосы.

    Нравится
    Поделиться:
    Реклама
    Комментарии (0)
    Осталось символов: