Ульяновск өлкәсендәге юл һәлакәтендә өч көше үлгән
Ульяновск өлкәсенең 172 нче чакрымындагы юлда рейс автобусы җиңел машина белән бәрелешкән.
2 февраль көнне Саранск-Сурск–Ульяновск федераль юлының Ульяновск өлкәсендәге 172 нче чакрымында рейс автобусы һәм җиңел автомобиль бәрелешү нәтиҗәсендә өч кеше һәлак булган. Бу хакта «Известия» сайты хәбәр итә.
Хәбәрдән күренгәнчә, бу хәл Майна районының Тагай торак пунктыннан ерак түгел килеп чыккан. Ульяновск– Базарлы Сызган маршруты буенча бара торган автобуста тугыз кеше булган.
Җиңел машина йөртүче һәм аның ике пассажиры (аларның берсе — балигъ булмаган) һәлакәт урынында вафат була. Автобуста булучылар арасында зыян күрүчеләр юк.
Һәлакәт булганнан соң, автобустагы пассажирлар кирәкле адрес буенча башка транспорт чараларына утырып китәләр.
Хәзерге вакытта бу хәлнең төгәл сәбәбе һәм фаҗига килеп чыгуның шартлары ачыклана.
Следите за самым важным и интересным в Telegram-каналеТатмедиа
Нет комментариев