Буалылар балалар хәленә битараф калмады

Полициянең балигъ булмаганнар белән эшләү подразделениесе хезмәткәрләре буалылардан районда яшәүче аз тәэмин ителгән һәм авыр гаиләләрдә тәрбияләнүче балаларга ярдәм сорап мөрәҗәгать иткәннәр иде. Берничә көннән соң Буадан Илдус Батыршин, Илшат Шәрифҗанов, Миләүшә Карпухина, Татар Буасыннан Ләйсән Мөхәммәтҗанова, Тутайдан Инна Дубкова, шәһәрнең лицей-интернат укучысы Марат Әсәдуллин, кайсы киемнәр, уенчыклар, китаплар, уку кирәк яраклары балалар азыклары китерделәр. Подразделение хезмәткәрләре аларны кемгә нәрсә кирәген белешеп, хуҗаларына тапшырдылар. Бу ярдәмне гаиләләр бик шатланып кабул иттеләр. Әйберләрне тагын да Буа шәһәре, Вахитов урамы, 53 йорт адресы буенча балигъ булмаганнар белән эшләү подразделениесенә китерергә була.