“Минем яраткан укытучым” конкурсында катнашучылар өчен тавыш бирү вакыты билгеле

Хөрмәтле сайт укучыларыбыз!

Чираттагы конкурс кысаларында редакциянең электрон почтасына күп хатлар, фотолар килде. Аларны күбесенчә укучылар җибәргән. Хатларда яраткан педагоглары турында җылы сүзләр язылган. Мондый хатларны, укытучыгызның фотоларын җибәрергә бер көннән дә кимрәк вакыт калып бара. Иртәгә җибәргәннәрне кабул итмибез. Шуңа күрә ашыгыгыз! Шәһәр мәктәпләре укучылары болай да актив, авылныкылар да алардан үрнәк алып, яраткан педагогларын безнең белән бергә котласыннар иде!

Ә конкурста катнашучылар өчен тавыш бирү киләсе атнаның дүшәмбесендә 25 сентябрьдә башлана. Алдан ук әйтеп куябыз, катнашучылар күп, шуңа күрә тавыш бирү этаплап барачак. Яраткан укытучыларыгыз өчен "ВКонтакте" социаль челтәрендәге безнең рәсми "Новости Буинска" төркемендә генә тавыш биреп булачак. Шуңа күрә бу төркемгә алдан ук язылып куярга киңәш итәбез. Безнең белән калыгыз!