Атна уртасына кадәр Татарстанда карлы һәм салкын һава торышы көтелә

Аерым алганда, иртәгә, 2 гыйнварда, төнге һәм иртәнге сәгатьләрдә республика буенча урыны белән термометр баганалары -25, -30 градуска кадәр төшәчәк (Казанда -25, -27 градуска кадәр).

Көннең якты вакытында Татарстанның көньяк-көнбатыш районнарына чираттагы циклонның атмосфера фронты якынлашачак. Ул үзе белән кар һәм бураннар китерәчәк, җил 14 м/с кадәр көчәячәк.әмма температура фоны аз гына -15, -20 градуска кадәр күтәреләчәк (төбәкнең төньягында -23 градуска кадәр генә).

Чәршәмбе һәм пәнҗешәмбе, 3 һәм 4 гыйнварда Татарстан циклон йогынтысында калачак. Республика буенча кар явачак. Шулай ук бу көннәрдә аерым районнарда бураннар һәм көчле җил фаразлана. Юлларда бозлавык барлыкка килә.

Һава температурасы чәршәмбе төнлә -16дан -21 градуска кадәр (РТ төньягында -25 градуска кадәр), көндез -11дән -16 градуска кадәр (көньякта һәм көнчыгышта кайбер урыннарда нульдән 3-8 градуска кадәр җылыта) тәшкил итәчәк. Пәнҗешәмбе төнендә дә, көндез дә -17дән -22 градуска кадәр көтелә (әмма көнчыгышта -10дан -15 градуска кадәр).

Синоптикларның башлангыч мәгълүматларына караганда, җомга һәм шимбә көннәрендә, 5 һәм 6 гыйнварда, Татарстанда салкын һава торышы сакланачак, аерым районнарда бераз кар булырга мөмкин. Төнлә һава температурасы 17-22 градус салкын тәшкил итәчәк (аязганда -25 градуска кадәр), ә көндезге сәгатьләрдә -14-19 градуска кадәр.