Бүген Шафрановның кителе туган авылына кайтты (+фото)

Советлар Союзы Герое Петр Шафранов исемен йөрткән әлеге мәктәп укучыларын туган якны өйрәнү музеена Ватан Геройлары көне уңаеннан чакырдылар. Директор Люция Әхмәтҗанова мәктәптә оешып килүче музейга геройның кителен һәм аның Мәскәүдә яшәүче улы Анатолий белән булган интервьюсы яздырылган диск бүләк итте. Укучылар үзләре дә буш кул белән килмәгәннәр - данлыклы якташлары турында сөйләделәр. Тарих укытучысы Илдар Латыйпов Геройлар көне булдырылу тарихы белән таныштырды. Укучыларны бәйрәм белән район ветераннар Советы рәисе Җәүһәрия Хөснетдинова һәм "Бердәм Россия"нең җирле бүлекчәсе җитәкчесе Наталья Храмова да котладылар.