Буа командасы «Геройлар ярышында» икенче булды, хәзер Россия чемпионатына әзерләнә (фоторепортаж, ВИДЕО)

Бу ялларда Югары Ослан районында "Геройлар ярышы" узды. Анда 5 кешелек (1 хатын-кыз, 4 ир) Буа командасы катнашты. Алар - 1 номерлы зона-эзләү отряды коткаручысы Константин Волков, Руслан Сабирҗанов, Тәтеш колледжы курсанты Артем Юманов, медицина хезмәткәре Гөлия Камалова, Зур Фролово мәктәбе директоры Ленар Садыйков, булышчылары - ГТОны Алтын күкрәк билгесенә тапшырган яшь спортчы, Р. З. Сәгъдиев исемендәге мәктәп укучысы Александр Македонский.

Командага 10 километр аралыкта урнаштырылган 20 төрле катлаулы киртәләрне ерып чыгарга туры килде. Буалыларга тизлеккә тау астына менәргә, төшәргә, пычрак, ташлы юлдан шуышырга, 5 метр озынлыктагы чәнечкеле диварга, 10 метрлы резиналы тауга менәргә һәм башка күп төрле киртәләрне узарга туры килде. Шулай ук су белән бәйле биремнәр дә күп иде.