Буа коткаручылары Апаста бәлагә очраучыны коткарырга чыкты (+ фото)

Бүген 10 сәгать 39 минутта 1 номерлы зона эзләү-коткару отряды коткаручылары Апаста бер кешене плитә басуы турында хәбәр алалар. Алар бәла булган урынга барып җиткәнче каза күрүчене керамзит-бетон дивар плитәсе астынан шундагы кешеләр чыгара. 1988 елда туган ир-егет үлгән була инде. Бәхетсезлек тузган торакны сүткән вакытта килеп чыга. Коткаручылар әлеге йортны кабат ишелү булу-булмауга тикшерәләр. Халыкны алар бәхетсезлеккә юл куймас өчен ремонт-төзелеш эшләре вакытында куркынычсызлык техникасын һәм хезмәтне саклау кагыйдәләрен бозмаска чакыра.