Буа мәдрәсәсе ашханәле булды

Мәдрәсә җитәкчелеге янәшәсендәге таш бинаны тагын да зурайтып, хәләл ризыклы ашханә ачуга иреште. Хәзер ул тулысынча үз карамакларында булачак. Мәдрәсә ачылуга 212, аның яңадан рәсми рәвештә эшли башлавына 20 ел тулу уңаеннан оештырылган чарада мәдрәсә директоры Рәшит Маликов киләчәктәге планнары белән тагын да уртаклашкан иде:

- Зур хыялыбыз мәдрәсәбезнең үз вакытында тартып алынган тарихи җирләрен сатып алып, кире кайтару. Шунда булачак аналар өчен "Кызлар мәдрәсәсе" төзү. Шулай ук заманча спортзал булдыру хыялы белән дә янабыз", - диде ул.