Буа районында мөселманнар һәм христианнар зиратларының коймалары яңартыла

Буа шәһәренең Көнбатыш бистәсендә мөселман һәм христиан зиратлары моннан ун елдан күбрәк вакыт элек ачылды.  Аларны бер-берсе белән бары тик тәбәнәк койма гына аерып тора. Бу вакыт эчендә аларның икесенең дә агач рәшәткәләре  гаять искерде. Ремонтчылар бригадасы бу көннәрдә аларны сүтеп алып, территорияләрне профнастил белән тотып алачаклар.Әлеге эш Буа районы хакимиятенең финанс ярдәме белән башкарыла.