Буа районындагы боз өстендә балык тотучыларны куркынычсызлык турында кисәтәләр
1 номерлы зона-эзләү коткаручы отряды начальнигы Наил Камәров белдерүенчә, алар ел саен Зур Фролово авылы янындагы күлгә рейдларга чыгалар. Анда алар балыкчыларны күреп, фаҗигале хәлләр булмасын өчен кисәтәләр, аңлату эшләре алып баралар. Быел да әлеге эшне дәвам итәләр.
Алдагы елларда әлеге күлдә чак кына фаҗига булмыйча калган. Бер балыкчы су астына китә язган. Бәхеткә юлдан узып баручылар моны күреп, балыкчыны тартып чыгарганнар.
Язгы бозда балык тоту хәтта тәҗрибәле балыкчылар өчен дә зур куркыныч тудыра. Температура үзгәрешләре боз структурасын интенсив рәвештә җимерә, аны ватык һәм алдан әйтеп булмый торган итә.
Наил Камәров белдерүенчә, язын елгаларның боз катламы алдаучан була. Кояш нурлары эретә, ә астагы су агымы аны астан юа. Визуаль яктан боз ышанычлы булып күренергә мөмкин. Бу чорда элементар саклык чараларын санга сукмау бәхетсезлек очраклары куркынычын арттыра.
Гадәттән тыш хәлләр министрлыгы тагын бер тапкыр сулыклар бозына чыгуның үлем белән янаучы куркынычы турында искәртә һәм үз гомереңне куркыныч астына куймаска чакыра.
Язгы боз балалар өчен зур куркыныч тудыра. Балалар, олылар күзәтүеннән башка калып һәм куркынычларны аңламыйча, еш кына туңган сулыкларны уеннар өчен сайлыйлар, бу фаҗигале нәтиҗәләргә китерергә мөмкин. Ата-аналар һәм педагоглар балаларның олылар озатуыннан башка бозга чыгуын булдырмаска, аларга куркынычсызлык кагыйдәләрен аңлатырга һәм сулыклар янында куркыныч тәртипне тыярга тиеш.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Быел башыннан Буа районы юлларында 6 кеше һәлак булды
Буада юл йөрү кагыйдәләрен саклау буенча киңәшмә узды.
Аны район башкарма комитеты җитәкчесе Ленар Шакирҗано алып барды. Төп доклад белән район ГАИ бүлекчәсе начальнигы Алмас Кәримов чыгыш ясады. Ул райондагы юлларда булган хәлләр турында сөйләде. Быел 9 ай эчендә район юлларында 6 кеше һәлак булган.
Нет комментариев