Буа районының “Авангард” агрофирмасында уртача хезмәт хакын 70 мең сумнан күбрәккә җиткермәкчеләр

Шушы көннәрдә коллективта “Ак Барс” агрохолдингы генераль директоры Иван Егоров катнашында алдынгы хезмәткәрләрне хөрмәтләделәр. Авангардлылар быел 65 мең тоннадан күбрәк бөртеклеләр, 80 мең тоннадан күбрәк шикәр чөгендере уңышы җыеп алган. Терлекчелектә дә тотрыклы үсеш бара. 21 мең тоннадан күбрәк дуңгыз ите,  14 мең тоннадан күбрәк сөт, 1 мең тоннадан  күбрәк мөгезле эре терлек ите җитештерү планлаштырыла. Тугыз ай нәтиҗәләре буенча агрофирмада уртача хезмәт хакы 57 мең сум тирәсе тәшкил итә. Ул яңа елдан тагын артачак.