Буа районында ике ир-ат шартлаткыч матдә саклаганнар

Район эчке эшләр бүлегеннән алынган мәгълүматларга караганда, 1949 елгы ир-ат шартлаткыч матдәне - күкертне 2000 елда танышыннан ала. Шул вакыттан бирле ул аны тимер савытта сервантында саклый. Полицейскийлар "Торакны тикшерү" оператив-эзләү операциясе барышында аны табалар. Шартлаткыч матдә саклаган өчен ир-атка җинаять эше кузгатылды.

Икенче ир-атка карата да тикшерү эшләре бара. Анысыннан ике тимер банка күкерт һәм винтовка табып алалар. Законсыз саклаган әйберләр өчен ике ир-ат та суд каршында җавап бирәчәк.

фото: perepel-krym.ru