Буа районында чәчү башланды
Яз ашыкмады быел, шуңа да аңа гадәттәгедән бер атна чамасы соңарып керештеләр.
Кырга, һәрвакыттагыча, беренчеләрдән булып чыккан “Авангард” агрофирмасында эшне тиз тотарга – ике атнада төгәлләргә исәплиләр.
Агрофирманың генераль директоры Николай Курчаткин әйтүенчә, моның өчен бөтен мөмкинлекләр бар. Барлык техника, орлык әзер, кырда техник хезмәт күрсәтү звенолары булдырылган, ягулык-майлау материаллары, ашламалар җитәрлек күләмдә тупланган, кадрларга кытлык юк, аларга түләү, матди кызыксындыру чаралары эшләнелгән һәм һәрберсенә җиткерелгән. Быел агрофирма буенча 11 меңнән күбрәк мәйданда бөртекле һәм бөртекле-кузаклы культуралар, 1346 гектарда шикәр чөгендере, 2 мең гектарда кукуруз чәчеләчәк. Сүз уңаеннан, быел агрофирмада сыерларның баш саны күпкә арту сәбәпле, азык культураларына зур игътибар биреләчәк. Кукуруз мәйданнарын арттырганнар, яңа сорго культурасы игәчәкләр. Максатлары – 1,5-2 еллык азык запасы әзерләү.
– Бүген дүшәмбе көнне кырларга өч агрегат арпа чәчәргә чыкты. Иртәгә-берсекөнгә тагын 3-4 агрегат кушылачак. Алга таба алар саны тагын да артачак. Берьюлы шикәр чөгендере дә чәчә башлыйбыз, - ди Николай Григорьевич.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Быел башыннан Буа районы юлларында 6 кеше һәлак булды
Буада юл йөрү кагыйдәләрен саклау буенча киңәшмә узды.
Аны район башкарма комитеты җитәкчесе Ленар Шакирҗано алып барды. Төп доклад белән район ГАИ бүлекчәсе начальнигы Алмас Кәримов чыгыш ясады. Ул райондагы юлларда булган хәлләр турында сөйләде. Быел 9 ай эчендә район юлларында 6 кеше һәлак булган.
Нет комментариев